“Атлетико” “Барселона”га қарши ўйиндаги нохуш анъанасини давом эттирди

Испания чемпионати доирасида Мадрид жамоаси “Барселона”ни 10 йилдан бери мағлуб эта олмаяпти. Ғалабасиз ўйинлар cерияси 20 та баҳсга етди. “Атлетико” сўнгги бор “Барселона”ни 2010 йил сентябрида Ла Лига доирасида мағлуб этган. Ўшанда жамоа мураббийи Кики Санчес Флорес эди. Каталонияликлар 20 та ўйиннинг 14 тасида ғалаба қозонган бўлса, томонлар 6 та ўйинда дуран қайд этган. 

Бундан ташқари, “Атлетико” Диего Симеоне қўл остида “Барселона”ни сафар ўйинларида мағлуб эта олмаяпти. Бу cерия эса 11 та баҳсдан иборат (барча мусобақаларда). Каталония клуби 6 та ўйинда ғалаба қозонган, 5 та ўйинда дуранг қайд этилган.