O'yin haqida
- Birinchi navbatda, yigitlarga rahmat aytmoqchiman. Ikkinchi taymda 10 kishi bo'lib qolganimizga qaramasdan, oxirigacha kurashishdi. Penaltidan gol urolmadik, lekin bu - futbol, shunaqasi ham bo'lib turadi.
"Nasaf" – tezkor va yaxshi tarkibga ega jamoa. Standartlarda e'tiborni yo'qotganimiz uchun gol o'tkazib yubordik. Jamoamiz futbolchilariga ikkinchi bo'limdagi harakatlari uchun tashakkur.
- Darvozabon yaxshi harakat qildi...
- Darvozabonning vazifasi o'zi shu, u qutqarishi kerak. Ikkita qiyin vaziyatda zo'r o'ynadi va jamoamiz joniga ora kirdi.
- "Metallurg" o'tgan yilga qaraganda yomonroq o'ynamoqda. Bu nima bilan bog'liq?
- Buni hozir tushuntirib berolmayman, bu uzoq vaqtni talab qiladi. O'ylaymanki, o'tgan yilgi yetakchilarning jamoani tark etgani ta’sir qildi.
- Jasur Abduraimov iste'fosi bo'yicha izoh berolasizmi?
- Bosh murabbiyimiz Jasur Abduraimov betob. O'zingiz ko'rdingiz, zaxira o'rindig'ida ispaniyalik janob Luis Manuel Ernandes o'tirdi. U kishi bizga yordam bermoqda.
