UZ

Сўнгги янгиликлар

08:36"Насаф" бу мавсум рекордини янгилади  3 08:28Балотелли 4та ўйинда 4та гол урди  1 08:03«Жирона» – «Барселона». Семеду, Деулофеу ва Туран майдонга тушмайди  9 07:56Рустам Мирсодиқов: "Натижадан ҳам, ўйиндан ҳам қониқиш ҳосил қилдим"  2 01:54Франция чемпионати. Балотеллининг голи жамоасига 1 очко, Фалькаонинг дубли эса "Монако"га 3 очко келтирди  9 01:37Бундеслига, 6-тур. "Вольфсбург" 16 йиллик нохуш анъанага чек қўйди ёхуд тур сенсация билан бошланди  10 00:20"Реал Мадрид"нинг "Алавес"га қарши ўйин учун қайдномаси маълум  20 23:57"Барселона" Горецкани қишда текинга қўлга киритмоқчи  2 23:40"Реал" ярим ҳимоячиси L'equipe талқинига кўра йилнинг энг яхши ёш футболчиси деб топилди  10 23:26"ЧатBall" лойиҳасининг бугунги кун мавзуси: Келинг танишайлик!  317 23:21Ханданович «Интер» билан шартномани узайтирмоқчи  2 22:55"Челси"дан кетган футболчилардан иборат рамзий терма жамоа ФОТО  18 22:40"Бавария" - "Вольфсбург". Таркиблар маълум   15 22:40«Реал»нинг бугунги машғулотида олти футболчи қатнашмади  18 22:22Аллегри: «Ювентус»нинг мақсади «Лион»нинг натижасини такрорлаш  7

25 апр 12:44
Янгиликлар

Артур ЮНУСОВ: "Осиё чемпиони бўлишни ким ҳам истамайди?"

Футзал бўйича Ўзбекистон миллий терма жамоаси айни кунларда Хитойда бўлиб турибди. Осиё чемпионатига сўнгги тайёргарлик жараёни айнан Чин юртида ўтказилмоқда.
У ерда Баҳодир Аҳмедов шогирдлари Хитой терма жамоасига қарши иккита ўртоқлик учрашувида майдонга тушишади. Қитъа чемпионатига 30 апрелдан 10 майга қадар Вьетнам давлати мезбонлик қилади. Иқлим шароити Вьетнамга анча яқин бўлгани учун айнан Хитой варианти танланган эди. Cафар олдидан Тошкентда бир ҳафталик ўқув-машғулот йиғини ҳамда унинг доирасида Эрон терма жамоасига қарши ўртоқлик ўйинлари ҳам ташкил этилди. Ҳар икки учрашувда ҳам қитъа футзали байроқдорлари йирик ҳисобда ғалаба қозонишди. Таъкидлаш жоиз, терма жамоамиз Осиё чемпионатида Қирғизистон, Япония ва Жанубий Корея термалари билан бир гуруҳдан жой олган. Биз сафар олдидан терма жамоа етакчи футзалчиларидан бири Артур Юнусовдан интервью олдик.

- Артур, суҳбатимиз аввалида Эрон терма жамоасига қарши ўтказилган икки ўйин ҳақидаги фикрингиз билан ўртоқлашсангиз.

- Иккинчи ўйиндан бошласам. Бу учрашув биз хоҳлаган сценарий остида ўтмади. Тўп назоратини қўлга ола билмадик. Аксинча, уни тез-тез йўқотиб қўйдик. Балки, анчадан бери халқаро ўртоқлик ўйини ўтказмаганимиз ҳам йирик ҳисобдаги мағлубиятимизга сабаб бўлгандир. Ўтказиб юборилган тўпларимиз  жуда оддий вазиятда киритилди. Қўпол хатолар ҳам панд берди. Баҳсга руҳий тайёргарлик ҳам кўнгилдагидек чиқмади.

- Айнан шу омиллар ҳар икки ўйинда ҳам йирик хисобдаги мағлубиятга сабаб бўлдими?


- Ҳа, менимча айнан санаб ўтилган омиллар иккала учрашувда ҳам олтитадан тўп ўтказиб юборишимизга замин яратди. Агар уюшқоқлик билан ўйнаганимизда ва ўйлаган режаларимиз амалга ошганида, аминманки, якуний ҳисоб бундай кўринишда бўлмасди.

- Эрон ҳамон қитъанинг энг кучли терма жамоаси бўлиб қоляптими?


- Нафақат қитъанинг тенгсиз жамоаси, балки дунёда ҳам эронликлар кучли бешликда боришяпти. Бу жамоа бир неча йилдан бери ўз анъаналарига содиқ қолиб келяпти. Жаҳон чемпионатида мунтазам иштирок этади.

- Айнан қайси жиҳатларда Эронга ютқазяпмиз?

- Биринчи галда тезлик ва фикрлашда. Эрон футзалчилари майдонда жуда тез ҳаракат қилишади ва тез қарор чиқаришади. Кейин Эронда футзалга бўлган эътибор жуда юқори.

- Терма жамоа етакчилари – Дилшод Ирсалиев ва Нодир Элибоевнинг жароҳатлари сабабли, ўша ўйинларда иштирок эта олишмаганини ҳам мағлубиятларга сабаб сифатида кўрсатса бўладими?

- Бу икки ўйинчимизнинг йўқлиги терма жамоамизни заифлаштиргани рост. Лекин бу спорт, ундаги кутилмаган ҳолатларга ҳамиша тайёр туриш керак. Бежизга мураббийлар ҳамиша тенг кучли икки таркибни шакллантириш учун жон куйдиришмайди.

- Етакчиларнинг ўрнини эгаллаган ёш футзалчилар ҳақида қандай фикрдасиз? Улар катта босим остида ўтадиган ўйинларга дош бера олишадими?


- Бу ёш футзалчиларга ўзларини кўрсатиш учун ажойиб имконият. Терма жамоа мураббийлари ишонч билдиришаётган экан, ундан максимал даражада фойдаланиб қолиш керак. Лекин ёшлар ҳали халқаро ўйинларда майдонга тушишмаган. Шу жиҳати бироз панд бериши мумкин. Лекин ўйлайманки, мана шундай ўйинлар ёш футзалчиларни тоблаб, пишитиб беради. Сафимизга қўшилган ёш ўйинчилар ҳақида фикрим ижобий. Энг муҳими, ҳаракат ва интилиш бор.

- Ташқаридан қараганда, терма жамоамиз кучсизлангандек туюлмоқда. Сапо ёки Мендез давридаги Ўзбекистон футзал терма жамоасини кўрмаётгандаймиз. Бу фикрга қўшиласизми?

- Тўлиқ қўшилмайман. Биз қитъанинг энг кучли жамоасига ютқаздик. Бу ўйинда терма жамоа таркибида бир неча футзалчи ўзининг дебют ўйинини ўтказди. Табиийки, уларда ҳаяжон сезилиб қолди. Катта футболдан фарқли равишда майдонда 4 нафар футзалчи ўйнайди. Мен дарвозабонни бу рўйхатга қўшмаяпман. Элибоев ва Ирсалиев шу тўрт ўйинчидан иккиси эди. Бу терма жамоамиз учун катта йўқотиш. Умид қиламанки, хатоларни тўғрилаш учун бизда ҳали вақт бор ва Осиё чемпионатига оптимал тайёргарлик билан борамиз.

- Гуруҳимизда деярли тенг кучли терма жамоалар жам бўлган. Биздан ташқари, Жанубий Корея, Япония ва Қирғизистон терма жамоалари ҳам гуруҳдан чиқишга ҳаракат қилишади. Чорак финалга бериладиган икки йўлланма учун кураш осон кечмаслигини ҳозирданоқ тахмин қилиш мумкин. Сизнингча, «плей-офф»га чиқишда ортиқча муаммога дуч келмаймизми?

- Гуруҳдан ортиқча қийинчиликсиз чиқишимиз керак. Терма жамоамиз олдига қўйилган биринчи галдаги вазифа - гуруҳда биринчи ўринни эгаллаб, чорак финалга чиқиш. Гуруҳдаги жамоалар билан шу пайтгача бир неча маротаба тўқнаш келганмиз ва аксарият ўйинларда ғалаба қозонганмиз. Ҳозирги шароитда ҳам гуруҳ фаворитимиз. Энг муҳими, ўйинимиз чиқса бўлгани.

- Бу Осиё чемпионати жаҳон чемпионатига йўлланма бермайди. Айнан шу жиҳати билан айрим жамоалар ушбу мусобақага жиддий тайёргарлик кўрмайди. Жамоада шундай кайфият йўқми?


- Йўқ, албатта. Осиё чемпионати ҳар икки йилда бир маротаба ўтказилади. Қитъа чемпиони бўлишни ким ҳам истамайди, дейсиз? Шахсан бизнинг жамоамизда қитъа чемпиони бўлиш истаги юқори. Чунки шу пайтгача ҳали чемпионлик шаробини тотиб кўрмаганмиз. Ўйлайманки, терма жамоамиздаги ҳеч ким бунга қарши бўлмайди.

Камолиддин АЛИМОВ суҳбатлашди
Рейтинг:    

Фикрлар

< сўнгги янгиликларни кўриш

Энг яхшилар

Олий лига. 22-тур. "Насаф"дан 6:0, "Қўқон-1912"дан 0:3, "Нефтчи" яна юта олмади Олий лига. 22-тур. "Насаф"дан 6:0, "Қўқон-1912"дан 0:3, "Нефтчи" яна юта олмади
Бугун олий лигада 22-тур ўйинлари давом эттирилди.  265
Дахшатли сенсация! "Реал Мадрид" ўз уйида "Бетис"га ютқазди Дахшатли сенсация! "Реал Мадрид" ўз уйида "Бетис"га ютқазди
Испания чемпионати доирасидаги "Реал Мадрид" –...  288
Бобомуродовнинг футболдан бутунлай четлатилишига сабаб бўлган вазият. ВИДЕО Бобомуродовнинг футболдан бутунлай четлатилишига сабаб бўлган вазият. ВИДЕО
Олий лига ҳакамларидан бири Рустам Бобомуродов футболдан бутунлай...  256
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: