Александр Токов - “Оқ-тепа” бош мураббийи

Клуб раҳбарияти кеча истеъфога чиқарилган Владимир Аникиннинг ўрнига энг яхши номзод сифатида Александр Султанович Токовни топишди. Эслатиб ўтамиз, Александр Токов апрель ойида ташкил қилинган мураббийлар курсида ўқиб, “С” лицензиясини олган.

ФУТБОЛЧИЛИК ФАОЛИЯТИ

Александр Султанович Токов - 1981 йил 1 сентябрда Сирдарё вилоятида таваллуд топган Александр футболчилик фаолияти давомида ҳимояда тўп тепган. 19 ёшида Тошкентнинг “Трактор” жамоасининг асосий таркибида ўйнай бошлаган ҳимоячи 2005 йилга қадар Вадим Абрамов қўл остида шуғулланган. Ўзининг чаққон ҳаракатлари билан Фарғонанинг “Нефтчи” клуби мураббийлар штабининг эътиборини қозонган Саша 2005-2007 йилги мавсумларни азим чинорлар юртида ўтказган.

Кейин Тошкентга қайтган футболчи “Локомотив” таркибидан жой олди. 2010 йил “Сўғдиёна” сафига қўшилишдан олдин ярим мавсум “Оқ-тепа” шарафини ҳам ҳимоя қилди. Ҳимоячи Жиззахдаги икки йиллик фаолиятдан сўнг яна пойтахтга қайтди ва “Оқ-тепа” либосини кийди. Сўнгги икки йилни жамоамизда ўтказган ҳимоячи бу йилдан мураббийлик фаолиятини бошлади.

МАЪЛУМОТ УЧУН
Исми-шарифи: Александр Султанович Токов 
Туғилган санаси: 01.09.1981
Туғилган жойи: Сирдарё вилояти
Футболчиликдаги амплуаси: ҳимоячи
Ўйнаган жамоалари: “Трактор” (2000-2005 йиллар), “Нефтчи” (2005-2007 йиллар), “Локомотив” (2007-2009 йиллар), “Сўғдиёна” (2010-2011 йиллар), “Оқ-тепа” (2009-2010, 2011-2012 йиллар)