Хўжанднинг "Эсхата" клуби ҳужумчиси, ўзбекистонлик легионер Акобир Тўраев Тожикистон чемпионатида 8 та гол уриб, энг яхши тўпурар бўлиб турибди. Якунига етган ойда 3 та гол урган форвард июнь ойининг энг яхши футболчиси деб топилди.
Душанбенинг "Истиқлол" клуби устози Виталий Левченко эса июн ойининг энг яхши мураббийи бўлди. Унинг жамоаси якунланган ойда 2 та ғалабага эришиб, 1 та дуранг қайд этди.
Июнь ойи совриндорлари 12-тур учрашувлари олдидан Тожикистон футбол лигасининг дипломлари ва пул мукофотлари билан тақдирланадилар. Уларнинг ҳар бирига 3 минг сомонидан берилади.
Маълумот учун, Акобир Тўраев 2012 йил Эронда ўтказилган U-16 Осиё чемпионатида Дилшод Нуралиев бошчилигидаги Ўзбекистон терма жамоаси сафида чемпион бўлган эди.
25 ёшли ҳужумчи "Бухоро", "Пахтакор", "Раҳматгонж" (Бангладеш), "Машъал" жамоаларида тўп тепишга улгурган.
