Янги мавсумга "Янгиер" сафида тайёргарлик кўраётган Аббос Махситалиев собиқ жамоаси "Истиқлол" сафига келиб қўшилди. Бу ҳақида клуб матбуот хизмати хабар бермоқда. Маълумот ўрнида таъкидлаш жоиз ярим ҳимоячи бунга қадар "Пахтакор", "Нефтчи", "Навбаҳор", "Янгиер", "Сурхон" каби жамоаларда тўп тепган эди. Футболчи учун "Истиқлол" жамоаси бегона эмас. У ўтган мавсумнинг катта қисмини шу жамоада ўтказганди.
