Аббос Файзуллаев: "Олимпиадага ҳеч ким мағлубиятга учраймиз ёки гуруҳда қолиб кетамиз деган мақсадда келмайди"
30 июл 20:51
Янгиликлар
Аббос Файзуллаев: "Олимпиадага ҳеч ким мағлубиятга учраймиз ёки гуруҳда қолиб кетамиз деган мақсадда келмайди"
"Авваламбор, стадиондан ва экран ортидан қўллаб-қувватлаб турган мухлисларимизга миннатдорчилик билдираман. Биз буни ҳис қилиб турдик. Ижтимоий тармоқлар орқали ва тўғридан-тўғри стадионда бунга гувоҳ бўлдик. Олимпия ўйинлари жуда муҳим турнир саналади. Биз бу ерда иштирок этишни анча вақт кутган эдик. Мусобақа давомида қайсидир жойда омад, қайсидир жойда тажриба етишмади. Бу каби ўйинларда битта вазият ҳамма нарсани ҳал қилади. Шу боис, 90 дақиқа давомида консентрацияни йўқотмаслик керак.
Клубдаги келгуси фаолиятим ҳақида ҳозирча ҳеч нарса дея олмайман. Сабаби, бор эътиборимни терма жамоага қаратганман. Эндиликда ЦСКА сафига қайтиб, кейинги ўйинга тайёргарликни бошлайман. Клуб 4 августда навбатдаги учрашувини ўтказади. Москваликлар билан шартномам бор. Ҳамма нарса ўз вақтида бўлгани яхши.
23 ёшдан катта футболчилар жамоага яхши қўшилиб кетишди. Уларни ҳам тушунса бўлади, чунки улар жамоа билан кўп вақт бирга бўлишмаган. Бошқа тизимдаги футболдан бу ерга дарҳол мослашиб кетиш қийин. Шунга қарамай, улар ҳаракат қилишди. Аммо уларнинг тайёргарлиги учун бироз вақт етишмади. Улар қанча кўпроқ жамоа билан бўлса, тактик ишланмаларга мослашиши шунча осон кечади. Турнир давомида барча жонини бериб ҳаракат қилади. Бу ерга ҳеч ким мағлубиятга учраймиз ёки гуруҳда қолиб кетамиз деб келмайди. Мухлисларимиз ҳам буни тўғри тушунишади деган умиддаман. Биз тарих яратдик, ўзбек футболида бурилиш содир этдик. Чинакам мухлислар бундан кейин ҳам бизни қўллаб-қувватлашда давом этишади деган умиддаман. Олдимизда жаҳон чемпионатига йўл олиш мақсади турибди. Бу мақсадни ҳам уддалаб, тарихда яна бир саҳифа яратишга ҳаракат қиламиз", деди Файзуллаев.
Ўхшаш янгиликлар
championat.asia
Ла Лига. "Барселона" сафарда "Реал Мадрид" дарвозасига жавобсиз тўртта тўп киритди
Суперлига. "Насаф" дарвозабони томонидан 101-дақиқада урилган гол Қарши клубига "Динамо" устидан ғалаба қозонишига ёрдам берди
"Олтин тўп" маросими
Нарзулла Сайдуллаев: "Фанатизм"
Фикрлар
Мағлубият билан мағлубиятни фарқи бор. "Афсонавий Абрамов" иккала терма командага тренер бўлган пайти олимпиада йўлланмаси учун кечган баҳсда Тошкентда БАА термасига 2:0 ҳисобида ғалаба қозонаётиб ютқазганимиз эсингиздами? Узоқ вақт ўзимга келолмай юрганман шу ўйиндан кейин. Биринчи таймдан кейин йиғлаётган араб мухлислар ўйиндан кейин устимиздан кулиб кетган.
Япония, Австралия, Корея сингари терма командаларга ўта йирик ҳисобларда ютқазган пайтларимиз кўп бўлган. Ҳозир ҳар икки термамиз ҳам Осиё грандлари билан бемалол беллаша оладиган даражага етди. Айниқса шу ёшлар уларни бемалол бурнини ерга ишқаб вояга етди. Энди тажрибали тренер қўлида шу темпда давом этишади иншооллоҳ. Чунки, аввалги ёш авлод ҳатто ўзимизнинг суперлига клубларимиз асосий таркибига киролмай йўқ бўлиб кетарди. Бу авлод эса аллақачон легионер бўлишга улгурди. Муҳими, ёшларнинг ўзида интилиш бор. Ҳаракат қилса Аббос ёки Абдуқодир сингари ёшда ҳам кучли жамоаларда ўйнаши мумкинлигини англаб қолишди. Биз Хитой ё Ҳиндистон эмасмиз, бизга Аллоҳ юқтирган ва бу ҳақиқатни ёшларимиз исботлади. Биз 23 ёш тоифасида жаҳоннинг еучли 16 командасидан бири бўлдик. Биринчи иштирок бироз омадсиз бўлди, кейинги сафар зўр бўлади иншооллоҳ. Йигитларга раҳмат. Мухлис халқи шунақа: аввал музқаймоқ еб келишингизга-да рози бўлиб турганлар олимпиадага чиққанингиздан кейин янада катта натижалар истаб қолдилар сиздан. Бу табиий ҳам. Ютқазишни ҳеч ким ёқтирмайди ўзи.
Парвозингиз баланд бўлсин. Бизни олимпиада йўлланмаси билан қувонтирганингиз каби жаҳон чемпионати йўлланмаси билан ҳам қувонтирасиз деган умиддамиз.
Мағлубият билан мағлубиятни фарқи бор. "Афсонавий Абрамов" иккала терма командага тренер бўлган пайти олимпиада йўлланмаси учун кечган баҳсда Тошкентда БАА термасига 2:0 ҳисобида ғалаба қозонаётиб ютқазганимиз эсингиздами? Узоқ вақт ўзимга келолмай юрганман шу ўйиндан кейин. Биринчи таймдан кейин йиғлаётган араб мухлислар ўйиндан кейин устимиздан кулиб кетган.
Япония, Австралия, Корея сингари терма командаларга ўта йирик ҳисобларда ютқазган пайтларимиз кўп бўлган. Ҳозир ҳар икки термамиз ҳам Осиё грандлари билан бемалол беллаша оладиган даражага етди. Айниқса шу ёшлар уларни бемалол бурнини ерга ишқаб вояга етди. Энди тажрибали тренер қўлида шу темпда давом этишади иншооллоҳ. Чунки, аввалги ёш авлод ҳатто ўзимизнинг суперлига клубларимиз асосий таркибига киролмай йўқ бўлиб кетарди. Бу авлод эса аллақачон легионер бўлишга улгурди. Муҳими, ёшларнинг ўзида интилиш бор. Ҳаракат қилса Аббос ёки Абдуқодир сингари ёшда ҳам кучли жамоаларда ўйнаши мумкинлигини англаб қолишди. Биз Хитой ё Ҳиндистон эмасмиз, бизга Аллоҳ юқтирган ва бу ҳақиқатни ёшларимиз исботлади. Биз 23 ёш тоифасида жаҳоннинг еучли 16 командасидан бири бўлдик. Биринчи иштирок бироз омадсиз бўлди, кейинги сафар зўр бўлади иншооллоҳ. Йигитларга раҳмат. Мухлис халқи шунақа: аввал музқаймоқ еб келишингизга-да рози бўлиб турганлар олимпиадага чиққанингиздан кейин янада катта натижалар истаб қолдилар сиздан. Бу табиий ҳам. Ютқазишни ҳеч ким ёқтирмайди ўзи.
Парвозингиз баланд бўлсин. Бизни олимпиада йўлланмаси билан қувонтирганингиз каби жаҳон чемпионати йўлланмаси билан ҳам қувонтирасиз деган умиддамиз.