"Barselona" hamda "Real" ushbu bahslarda deyarli keyingi bosqich masalasini hal qilishdi. Kataloniyaliklar "Roma"ni 4:1 hisobida mag'lub etishdi, "Qirollik klubi" esa "Yuventus" darvozasiga 3ta javobsiz gol urdi.
Agar ushbu klublar keyingi bosqichga chiqishsa va Chempionlar ligasi yarim finali qur'asida bir-biriga qarshi o'ynaydigan bo'lsa biz 11 kun ichida 3ta "El-Klassiko" ko'rishga muvaffaq bo'lamiz. Yarim final bahslari 24-25 aprel va 1-2 may kunlari bo'lib o'tadi. Bundan tashqari, 6 may kuni LaLiganing 36-turida Kataloniya klubi "Kamp Nou"da "qaymoqranglilar"ni qabul qiladi.
