Зоран Марушич: "Насаф"даги чемпионликни "Нефтчи" билан такрорлашни истайман"
09 mar 15:21
News

Зоран Марушич: "Насаф"даги чемпионликни "Нефтчи" билан такрорлашни истайман"

"Нефтчи" жамоасининг сербиялик ҳужумчиси Зоран Марушич "Бунёдкор"га қарши ўйинда фарғоналиклар таркибида расмий ўйиндаги дебют голини урди.

Лекин унинг голи ғалаба учун етарли бўлгани йўқ. Учрашувдан сўнг Зоран Марушич қуйидаги фикрларни билдирди.

"Ҳар доим биринчи ўйин қийин ўтган, чунки ҳамма ғалабага чанқоқ ҳолда бўлади. Рақибимиз яхши ўйин кўрсатганини айтишим мумкин. Биз бошимизни кўтаришимиз ва олдинга қараб интилишимиз керак. Ҳаммаси ҳали олдинда. Кейинги ўйинни ютишимиз шарт. Бундан буён ҳар бир тур ўзгача тус олади. Ғалаба орқали ўзимизга ишончимизни қайтариб оламиз. Ўйинда ғалаба қозониш учун кўпроқ вазият яратиб фойдаланиш керак. Албатта бу рақибга ҳам боғлиқ. "Бунёдкор" ўз майдонида яхши тўп тепди.

Мақсадимиз фақат чемпионлик. Мен "Насаф"даги натижани Фарғонада ҳам такрорлашни истайман",- дейди Зоран Марушич.