Зинедин Зидан: "Бизни бой, "Атлетико"ни ишчан жамоа деб аташади, аммо "Реал"да ҳам кам меҳнат қилинмайди"

– "Атлетико" ҳалқ жамоаси сифатида кўрилади, "Реал"ни эса бундай эмас.

– Бундай нарсаларга аралашмайман. Бу ерда одамлар жуда кўп ишлалашади ("Атлетико"да бўлгани каби) деб айтиши мумкин. Бизни бой, "Атлетико"ни ишчан жамоа деб аташади, аммо "Реал"да ҳам кам меҳнат қилинмайди. Ҳеч нарсани ўзгартирмоқчи эмасман. Мен бир нарсани биламан. "Реал Мадрид" мухлислари ўйинчиларида фахрланишади ва биз барчасини улар учун қилмоқчимиз.

– Дерби алоҳида аҳамиятга эга ўйинми?

– Ғалаба қозонишни истаймиз. Жуда кучли рақибга қарши қийин ўйин бўлади. 

– Куртуа асосий таркибга қайтадими?

– Ҳаммамиз битта қайиқдамиз. Барчани ҳисобга оламан. Ўйинчиларим тайёрлигини айтмоқчиман. Қайдномадаги 25 футболчидан ҳаммани майдонга туширишдан ҳурсанд бўлардим.

– "Атлетико" билан ўйин – Симеоне билан тўқнашувми?

– Ҳар бир футболчининг ўз ўрни бор. У ҳамма сингари рақибни ўта чуқур ўрганади. Лекин, эртага "Реал" ва "Атлетико" ўртасидаги ўйин гувоҳига айланамиз.

– Жадвалдаги етакчилик сизга таъсир кўрсатмайдими?

– Ҳар доим хотиржамликни сақлаган ҳолда, нима қилишимиз лозимлиги ҳақида фикрлаш керак. Кўп таҳдидлар уюштирадиган қийин рақибга қарши ўйнаймиз. Бироқ, мени фақат ўзимнинг жамоам қизиқтиради. Яхши ўйин ўтказиш учун мотивацияга эга бўлдик", – дейди Зидан.