Зидан: “Реал” босим нималагини яхши билади”

“Биз жорий мавсумда катта ишларни амалга оширдик – Ла Лигада ғолиб чиқдик ва ЕЧЛ финалига етиб келдик. Тайёргарлик – бу энг муҳим босқич. Биз бу ишни бажардик.

Биз босим нима эканлигини жуда яхши биламиз. Биз ҳар доим фаворит ҳисобланганмиз, гарчи финалда фаворитлар бўлмасада. Битта ўйиндан иборат баҳсда ҳар нарса содир бўлиши мумкин.

Менинг ҳолатим... Кимдир менга ёшлигимда шундай ҳолатларни бошимлан кечиришимни айтса, ишонмасдим. Аммо мен ҳозир яхши даврни бошимдан ўтказаяпман ва бундан завқ олаяпман. Биз билан бўлаётган ҳар бир ҳолат менга манзур бўлмоқда. Мен оддий мураббийман, жамоанинг ҳар бир аъзоси сингари... Миланда ўтган финалдан кейин бизни яна бир ажойиб финал баҳси кутиб турибди. Биз “жанг”га тайёрмиз.

Футбол ўйнаш учун майдонга чиқдингми унга борингни бахш этишинг шарт. Биз кўплаб беллашувларда ютқазиб қўйдик. Мағлубият нималигини яхши биламиз. Бу “Ювентус”га ҳам тегишли ҳолат. Биз ўз ўйинимизни кўрсатишга уринамиз. Бизга қарши ажойиб жамоа тўп тепади. Барча футбол ихлосмандлари қизиқарли финални кўришга иштиёқманд бўлиб туришибди.

Криштиану яхши инсон, у бошқалар учун ҳам қайғуради. У ғалабалардан чарчамайди. Унга доим ғалаба камлик қилади. У ҳар доим, ҳатто машғулотларда ҳам ғолиб чиқишни истайди. У табиатан етакчи, айниқса майдонда. Бу унга қон билан кирган.

Агар биз бирга тўп тепганимизда ҳам у юлдузлигича қоларди. Чунки у кўп гол уради. Бу эса энг муҳими. Гол уриш ва рақибга дарвозани ишғол этишга имкон бермаслик. Мен Туринда, “Ювентус”да ўйнаганман ва катеначчо нималигидан яхши хабардорман.

Эртага ким майдонга чиқишини айтиб ўтирмайман. Иско ва Бэйл  балким бирга тўп тепишар... Ҳамма нарса бўлиши мумкин. Жамоага қараб туриб шунга амин бўлаяпманки, барча “жанг”га тайёр. Гап фақат руҳий томонлама эмас, жисмоний тарафдан ҳам барча шай ҳолатда.

Ярим ҳимоя, албатта энг муҳим жиҳат.  Аммо энг қийини – тўп ўтказмаслик. 80-90 дақиқа яхши ўйнаб турасан, ўйин охирида рақибинг гол уриб кетса, барчаси якунланади. Айнан шу нарса ҳужумчиларимиздан талаб этилади. Ўзим футбол ўйнаганимда, бу нарса қийинлигини жуда яхши билганман. Кўп бўлмасада, менга бир неча бор муҳим голларни уриш насиб этган.

Умуман олганда  ҳеч нарсани ўзгартирмоқчи эмасмиз. Биз эртанги баҳс ҳақида гапираяпмиз. Биз ҳар доим нима қилиб келинган бўлса, шуни қилмоқчимиз. Амалда бу қандай бўлишини эса ўйинда билиб оламиз”, деди Зидан.