Зидан навбатдаги соврин қўлга киритилгач нималар деди?

“Феде қилиши шарт бўлган ишни бажарди. Бу ўта қўпол қоида бузилиши эди. Аммо буни бажариш керак эди. У Мората олдида кечирим сўради. Феде ўйиннинг энг яхши футболчиси деб топилганидан хурсандман. У ҳам бошқалар каби яхши меҳнат қилди. Биз бу ерга соврин учун келгандик. Яхши финал гувоҳига айландик. “Атлетико” жуда яхши ўйин кўрсатди. Футболчиларни табриклаш керак, айниқса Куртуани. Ғалаба уларнинг хизмати. Айниқса пенальтилар сериясидаги. Мен футболчи бўлган вақтимда майдонда боримни берганман. Бу “Реал”нинг ДНКси. Мен ҳам йигитлардан майдонда шуни кутаман. Биз мавсумни баъзи бир қийинчиликлар билан бошлагандик. Аммо ҳар доим хотиржамликни сақлаб қолиш керак”, — дейди Зидан.