Зидан Исконинг кетишига қаршилик қилмайди

“Реал” устози Зинедин Зидан жамоа аъзоси Исконинг клубдан кетишига қаршилик қилмайди. Француз мутахассиси ҳал қилувчи ўйинларда ўзини кўрсата олмаётган футболчини ўз режаларидан чиқаришга қарор қилган. Исконинг ўзи эса қишки трансферлар ойнасидаёқ “Реал”дан кетмоқчи.

Иско “Реал” шарафини 2013 йилдан бери ҳимоя қилиб келади. Футболчи жорий мавсум Ла Лига ва ЕЧЛда жами 9 та ўйинда қатнашди. Уларнинг ҳеч бирида майдонда тўлиқ 90 дақиқа ҳаракат қилмаган.

Исконинг мадридликлар билан шартномаси 2022 йил ёзига қадар мўлжалланган.