ЖЧ-2013. Ироқ ярим финалда!

Ўтган йилги ёшлар ўртасида бўлиб ўтган Осиё чемпионатининг финалида тўқнаш келган Ироқ ва Жанубий Корея жамоалари бу сафар Жаҳон чемпионати чорак финалда ўзаро курашишди.

Ўйин ажойиб тарзда ўтди ва жамоалар голлар шоусини ташкил этиб беришди. Асосий вақт 2:2 ҳисобида тугади. Қўшимча таймлар якунига 2 дақиқа қолганида ироқликлар ҳисобда олдинга ўтиб олишди. Ҳакам томонидан қўшиб берилган дақиқаларда эса корейслар учинчи бора ҳисобни тенглаштиришди - 3:3. Ярим финал йўлланмаси пенальтилар сериясида аниқланадиган бўлди. Унда Ироқ ёшлари 5:4 ҳисобида ғалабага эришишди ва ярим финалга чиқишди. 

Энди Ироқ ёшлар терма жамоаси ярим финалда Уругвайга қарши майдонга тушади. Ўйин 10 июль куни Трабзон шаҳрида бўлиб ўтади. 

Ироқ U-20 – Жанубий Корея U-20 3:3 (2:1, 0:1, 0:0, 1:1), пенальтилар серияси 5:4.
7 июль, 19.00, «Кадир Хас» 
Голлар: 1:0 – 21, пенальти Аттийя, 1:1 – 25 Квон Чхан Хун, 2:1 – 42 Шукор, 2:2 – 50 Ли Гван Хун, 3:2 – 118 Шукор, 3:3 – 120 Чжун Хен Чхоль. 
Ироқ U-20 – Хамид, Рубат, Аттийя, Аднан, Надим, Комил (Дургам, 111), Саиф, Тариқ, Абдул-Хуссейн (Хантош, 93), Шукор, Қосим (Шукан, 69). 
Жанубий Корея U-20 – Ли Чхан Гин, Сон Чжу Хун, Ен Чже Мин, Ким Ен Хван, Ким Сун Ву, Кан Сан Ву (Ли Гван Хун, 45), Ли Чхан Мин (Ву Чжу Сун, 106), Хан Сун Гю, Квон Чхан Хун (Чжун Хен Чхоль, 120), Шим Сан Мин, Ким Хен. 
Огоҳлантиришлар: Ким Хен (20), Надим (38), Кан Сан Ву (44), Саиф (49), Хан Сун Гю (91).