Жанубий Корея чет эллик мураббий қидирмоқда
01 aug 2014 15:44
News

Жанубий Корея чет эллик мураббий қидирмоқда

Жанубий Корея футбол федерацияси терма жамоани чет эллик мураббий бошқаришини маълум қилди.

Янги бош мураббий олдига биринчи навбатда Осиё Кубогида муваффақиятли иштирок этиш ҳамда терма жамоани ЖЧ-2018га олиб бориш вазифаси қўйилади. Хабарингиз бор, шу пайтгача бош жамоани Хонг Мюнг Бо бошқариб келаётганди.

“Бизда уч нафар номзод бор ва уларнинг ҳаммаси чет эллик, - дейди КФФ техник қўмита раиси Ли Ёнг Су. - Албатта, ўзимизнинг мураббийлар билан ҳам гаплашиб кўрдик, бироқ охири терма жамоага хориждан мутахассис олиб келиш устида тўхталдик. Кейин ҳафта номзодлар билан гаплашиб олишни бошлаймиз”.

Эслатиб ўтамиз, шу пайтгача Жанубий Корея терма жамоасини Гуус Хиддинк, Дик Адвокат, Пим Вербек, Умберто Коэльо, Жо Бонфрере сингари европалик мураббийлар бошқарган. Бу жамоа Осиё Кубогида Уммон, Қувайт ва Австралия билан бир гуруҳдан жой олган.

Link :

Source : championat.asia

Receive latest football news directly on your phone. Subscribe for our Telegram channel!

Rating: