Latest news

01:25Микель Артета: "Чемпион бўлишни истасак, шу руҳни сақлаб қолишимиз керак"  4 01:15Cамвел Бабаян — "Андижон" бош мураббийи  9 00:33Спаллетти "Ювентус" учун рекорд ўрнатди  0 00:08"Жирона" — "Реал". Таркиблар маълум  9 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  37 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17

Жаъфар Ирисметов: "Тошкентда иккита ҳужумчи билан ўйнаса ҳам бўлади" News

Жаъфар Ирисметов: "Тошкентда иккита ҳужумчи билан ўйнаса ҳам бўлади"

Ўз вақтида голеадор ҳужумчи сифатида қаралган Жаъфар Ирисметов бугунги кунда бутсаларини михга илганлигини айтиб ўтиш керак.
Эндиликда ўзини мураббийлик соҳасида синаб кўришни мақсад қилган собиқ футболчи миллий терма жамоамиз сафида 36 ўйин (2312 дақиқа) ўтказиб, рақиблар дарвозасига 15 бор йўл топа олган.

"Учрашув ҳамюртларимизнинг устунлиги остида ўтди", - дея гап бошлади Ирисметов. "Очиғи, Иорданиядан бундай даражада бўш ўйин кутмагандим. Сабаби улар ўз мухлислари қаршисида икки хисса куч билан ҳаракат қилишади деб ўйлагандим. Рақибнинг сустлигидан вакилларимиз унумли фойдаланишга ўтишди. Бу албатта қониқарли натижани келтирди. Тан олиш керак, футболчиларимиз баҳсда асосан биринчи навбатда натижа учун ўйнади. Ҳисобни 1:1 кўринишга келтирганидан сўнг, йигитлар кўпроқ натижани ушлаб қолиш ва сафардан камида дуранг билан қайтишни ўйлаб тўп суришди".

"Менимча учрашувнинг энг яхши футболчиси Жасур Ҳасанов бўлди. Чап қанот ярим ҳимоячимиз бошқаларга нисбатан фаол ўйин намойиш этди. Ўз қанотидан рақиб ҳимоячиларига катта қийинчилик туғдира олди. Қолаверса ўйиндаги ягона голимиз ҳам айнан Ҳасановнинг тўп оширишидан сўнг юз берди".

"Аммандаги ўйинда ҳужум чизиғда ҳаракат қилган Насимов ва Бақоевга ортиқча эътироз йўқ. Улар қўлдан келганича яхши ўйин кўрсатишга ҳаракат қилди. Уларнинг ҳеч бирига ўйин давомида голга айлантира оладиган даражада паслар оширилмади. Лекин шунга қарамай олдинги чизиқ вакилларининг фойдаси тегди деб ўйлайман. Хусусан Баҳодир Насимов биринчи бўлимда ҳимояга қайтиб ҳам бурчак тўпи амалга оширилаётган чоғларда анча ёрдам берди. Унинг ўрнига туширилган Улуғбек Бақоев эса ўзи учун оширилган тўпларни ушлаб туриб, рақиб футболчиларини чалғита олди. Менимча энди Тошкентда бўлиб ўтадиган жавоб баҳсида мураббийлар бу иккала ҳужумчини ҳам бошланғич таркибда туширса бўлади. Чунки бўлажак ўйинда ҳам гол уришимиз муҳим саналади.

Умуман олганда, жавоб учрашувида имкониятларимиз юқори. Умид қиламанки, йигитларимиз Иорданияни Тошкентда мағлубиятга учрата олади. ЖЧга чиқиш имкониятларимиз ҳақида эса ҳозирдан бир нима дейиш қийин. Чунки кейинги босқичда ким билан рўбарў келишимиз ноъмалум бўлиб турибди. Агарда Уругвай билан тўқнаш келадиган бўлсак, биз учун осон бўлмаслиги аниқ".

Исломбек Рустамбеков суҳбатлашди
Rating:    

Comments

championat.asia
< show latest news
Яндекс.Метрика