Жаъфар Ирисметов 26-тур олдидан қандай фикрда?

 Хусусан бу йил совринли ўринларни эгаллаши аниқ бўлиб улгурган "Бунёдкор", "Локомотив" ҳамда "Насаф"нинг чемпионатни нечанчи ўринда якунлаши ойдинлашади.

Шунингдек, элитани тарк этиши аниқ бўлиб улгурган "Шўртан" кетидан "Гулистон" ёки "Қизилқум" биринчи лигага равона бўлиши мумкин. Буни ушбу жамоалар ўртасида кечадиган бугунги ўйинда сўнг билиб оламиз.

Ўз вақтида чемпионатимизда тўпурарлик маҳоратини намойиш этган Жаъфар Ирисметов олий лиганинг 26-туридан олдин ўз фикрлари билан ўртоқлашди.


- 1-2-3-ўрин эгалари охирги турдан кейин ҳам жой алмашмайди. Яъни, чемпион "Бунёдкор" бўлади. Кумуш медаллар "Локомотив"га насиб этса, "Насаф" 3-ўринни эгалласа керак.

- Олий лигани тарк этадиган иккинчи жамоа Гулистондаги ўйиндан сўнг аниқ бўлади. Катта эҳтимол билан "Гулистон" кучлилар сафини тарк этади деб ўйлайман. Тўғри, "Қизилқум" сафарда юта олмайди. Лекин учрашув дуранг билан якун топса ҳам зарафшонликлар бундан ютади - дейди Ирисметов.

Исломбек Рустамбеков ёзиб олди.