Жадигеров "Андижон" сафига қўшилди
29 jan 2015 14:57
News

Жадигеров "Андижон" сафига қўшилди

“Андижон” жамоасини Тошкентда олиб бораётган йиғини қизғин давом этмоқда.

Пойтахтда жамоа машғулотларни бошлаганига бугун бир ҳафта бўлди.

Йиғин чоғида “Андижон” сафига янги ўйинчиларни қўшилиши давом этмоқда. Бугундан машғулотларда тажрибали ярим ҳимоячи Асқар Жадигеров иштирок этишни бошлади.

“Андижон” учун бегона бўлмаган бу футболчи собиқ жамоасига қайтди. Мухлисларга яхши маълумки, Жадигеров 2002-2003, 2007-2009 ва 2013 йилги мавсумларда андижонликлар шарафини ҳимоя қилганди. Ўтган йили футболчи ҳеч бир клуб сафида кўриниш бергани йўқ. Бош мураббий Эдгар Гессга унинг ҳаракатлари маъқул келса, Жадигеров фаолиятини яна “Андижон”да давом эттиради.

Тошкентдаги йиғинда таркибга қўшилган янги ўйинчилардан Александр Лупашко, Алишер Файзуллаев ва Асилбек Эгамбердиев кўрикдан ўта олишмади ва уларга жавоб берилди.

Эслатиб ўтамиз, бугун жамоамиз “Бухоро”га қарши назорат учрашувида майдонга тушади.

Link :

Source : andijon-pfc.uz

Receive latest football news directly on your phone. Subscribe for our Telegram channel!

Rating: