Latest news

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  4 00:42CAFA Nations Cup-2025. Энг яхшилар аниқланди ва ғолибга соврин топширилди  23 00:30Муҳаммадрасул Абдумажидов Бельгия клубига ўтмайди  2 00:14Славен Билич Ўзбекистон терма жамоаси бош мураббийига айланиши мумкин  32 00:05Тимур Кападзе: "Эрон терма жамоаси қачон рози бўлган ўзи?"  99 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1027 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  11 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

Зайниддин Тожиев: "Пахтакор" яхши ўйнамоқда, аммо жамоага ҳужумчи етишмаяпти" News

Зайниддин Тожиев: "Пахтакор" яхши ўйнамоқда, аммо жамоага ҳужумчи етишмаяпти"

Ўзбекистон миллий терма жамоаси собиқ ҳужумчиси, ҳозирги кунда "Зомин" клуби бош мураббийи Зайниддин Тожиев "Пахтакор"нинг Элит ОЧЛ доирасидаги "Ал Васл"га қарши баҳсидан олдин ўз фикрларини билдирди.

- Бу мавсумда "Пахтакор"нинг ўйини ҳақида қандай фикрдасиз?
- "Пахтакор" яхши ўйнамоқда. Охирги ўйинларга қарасак, жамоа динамик ҳаракат қилмоқда, тўп тез юрмоқда. Ўтган йил билан таққослаганда "Пахтакор" кучсизланди демаган бўлардим.

- Аммо натижалар барибир ёмонроқ. Бу нима билан боғлиқ?

- Кўзга ташланаётган асосий муаммо - марказий ҳужумчининг йўқлиги. "Пахтакор"га ҳужумни якунловчи етишмаяпти. Вазиятни ҳал қиладиган одам йўқ. Жамоа вазиятлар яратмоқда ва деярли ҳар бир баҳсда рақибдан кучлироқ ўйнамоқда. Агар "Пахтакор" йил бошида сифатли ҳужумчи билан шартнома тузганида, жамоа ҳозир чемпионлик учун курашаётган бўларди. Бунга шубҳам йўқ.
Ҳимояда ҳам кичик муаммолар кузатилганди. "Пахтакор"га биринчи даврада ҳимоя марказида тажрибали футболчи етишмаётганди, бу жойда фақат ёшлар ўйнашди. Аммо Абдулла Абдуллаев келгач ҳимоя мустаҳкамланди. Балки, жамоада яна бир тажрибали ҳимоячи керакдир, у ёшларга ўрнак бўларди.

- "Пахтакор" селекцияси ҳақида қандай фикрдасиз?

- Айтганимдек жамоага ҳужумчи керак. Бу биринчи навбатда кучайтириш керак бўлган нуқта. Қолган жабҳаларда трансфер ойнасида яхши иш олиб борилди: Абдулла Абдуллаев ҳимоя марказини мустаҳкамлади, марказга Бўриев ва Ибрагимов олинди. "Пахтакор" таркибни ёшартириш сиёсатига ўтганиан хурсандман. Бу кейинги йил ўз мевасини беришига ишонаман. Агар футболчилар бир-бирларини яхши тушуниб кетишса, чемпионлик учун кураша олади.

- Максим Шацкихнинг ишига қандай баҳо берасиз?

- Шацких ўйинни яхшилаш устида ишлаётгани кўринмоқда. Жамоа жисмонан кучли ва ҳар бир баҳсда биринчи рақам бўлиб ўйнамоқда. "Пахтакор" учрашув давомида камида 2-3 хавфли вазият яратмоқда. Фақат реализацияни яхшилаш керак.
Бундан ташқари Шацкихнинг олдига мавсум бошида Суперлигада қолиш вазифасини қўйишганди. "Пахтакор"да ўтган йил охири ва янги мавсум бошида катта ўзгаришлар содир бўлди: тажрибали, ёши катта футболчилар кетишди ва уларнинг ўрнига ёшлар келишди. Таркибни ёшарганига қарасак "Пахтакор" сифатли ўйнамоқда.
Шацких икки марта "Пахтакор"ни чемпион қилганини унутмаслик керак. Ҳозир у ва клуб учун янги чақирув. Таркибнинг бунчалик янгиланиши осон бўлмаган жараён. Ўзгаришларга қарамай, "Пахтакор" ҳамон медаллар учун курашмоқда. Бу ҳурматга лойиқ жиҳат.

- "Ал Васл"га қарши баҳсдан нима кутяпсиз?

- Тушунарлики рақиб жуда жиддий. Аммо "Пахтакор"да ҳужумда имкониятлар бўлиши аниқ. Асосийси - вазиятлардан унумли фойдаланиш ва ҳимояда тартибли ўйнаш. Яхши тайёрланиш, рақибни ўрганиш ва ўйинга иштиёқ билан тушиш керак. Бундай ўйинларда кўп нарса иштиёққа боғлиқ.


Николай Егоричев суҳбатлашди

Rating: +12   

Comments

championat.asia
< show latest news
Яндекс.Метрика