Зафар Полвонов: “Бирдамликда ҳаракат қилдик”
21 jun 2016 18:01
News

Зафар Полвонов: “Бирдамликда ҳаракат қилдик”

13-тур доирасида бўлиб ўтган “Шўртан” - “Пахтакор” баҳсидан сўнг, хет-трик қайд этган ва учрашув қаҳрамонига айланган футболчи - Зафар Полвоновнинг таассуротлари билан қизиқдик:

Учрашувга жиддий тайёргарлик кўрган эдик. Рақибимизнинг ўйинларини кўриб, таҳлил қилиб ўрганиб чиқишга ҳаракат қилдик. Уринишларимиз ўз натижасини кўрсатди. Жамоадошларим билан бирдамликда ҳаракат қилиб, ғалаба қозонганимиздан хурсандман.

Ҳужумчиларнинг доим ҳам гол уришга имкониятлари бўлмайди. Бунинг учун ўз устимизда тинимсиз ишлашимиз керак. Бугун омад менга кулиб боққан экан, бир эмас учта гол уришга муяссар бўлдим. Бу албатта, жамоадошларим ёрдами билан бўлди.

Ўйлайманки, урган голларим, ўзимга бўлган ишончни ошишига ёрдам берса ажабмас. Бу ғалаба билан чегараланиб қолмасдан, кейинги турларда ҳам мухлисларимизни чиройли ўйинларимиз ва ғалабаларимиз билан хурсанд қилишга ҳаракат қиламиз, - дейди Полвонов.

"Шўртан" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +3