“Ювентус” янги бош мураббий борасида бир қарорга келмади

Недвед бир неча кун олдин жамоадан кетиши эълон қилинган Массимилиано Аллегри ўрнига келадиган мураббий номи ҳали аниқ эмаслигини айтди.

“Биз номзодларни қадрлаймиз. Аммо шошилмаймиз. Аллегрига ўринбосар топиш шунчаки осон иш эмаслигини биламиз. Массимилиано билан музокара олиб бораётган вақтимизда, янги мураббий излаш хаёлимизга ҳам келмаганди. Биз “Ювентус”га қандай мураббий керак эканлигини биламиз, аммо ҳозирча якуний қарор учун тайёр эмасмиз”,—деди Недвед.