"Ювентус" вингери клубдан кетади

Журналист Николо Скиранинг хабарига кўра, "зебралар" асосий ўйинчига айлана олмаган Бернардески билан шартномани узайтириш борасида ишончлари комил эмас. Бундан ташқари, музокараларга ўйинчининг маоши тушишини хоҳламаслиги ҳалал бермоқда.

Ҳужумчига "Лацио", "Милан" ва "Интер" клублари қизиқиш билдирмоқда.

Бернардески "Ювентус"га 2017 йилда "Фиорентина"дан 40 миллион евро эвазига ўтганди. Унинг шартномаси ёзда якунига етади.

28 ёшли италиялик жорий мавсум клуб сафида барча мусобақаларда 34та ўйинда майдонга тушиб, 2та гол ва 6та ассист қайд этди.