"Ювентус" таркибини "Барселона" ҳимоячиси билан кучайтирмоқчи

Олдинроқ Британия ва Испания ОАВлари 26 ёшли франциялик футболчи фаолиятини "Тоттенхэм"да давом эттириши мумкинлиги ҳақида ёзганди, аммо клуб бу хабарга изоҳ бериб, уларни миш-мишлардан бошқа нарсамас деб атаганди.

Шундан сўнг футболчини таркибида кўрмоқчи бўлган бошқа клуб пайдо бўлди. Манбанинг ёзишича, "Ювентус" ҳимоячи Жоржо Кьеллини клубдан кетганидан кейин Ленглега қизиқиш билдирмоқда. Айнан Италия клуби футболчи учун курашда фаворит ҳисобланади.

Эслатиб ўтамиз, француз ҳимоячиси 2018 йилда 35 миллион евро эвазига "Севилья"дан "Барселона"га ўтганди. 2021/22 йилги мавсумда Ленгле Каталония клуби сафида 27 та ўйинда майдонга тушиб, 1 та голли узатмани амалга оширган.