"Ювентус" президенти: "Аякс" қаршисида шляпамизни ечишимиз керак"

"Менинг ишим - керакли хулосалар чиқариш. "Аякс" кейинги босқичга чиқишга муносиб ўйин кўрсатди.

Чемпионлар лигаси шундай турнирки, унда ярим соат ичида воқеалар бутунлай ўзгариб кетиши мумкин. Биз А Серияни кетма-кет саккизинчи марта ютишга яқинмиз ва бу ажойиб. "Ювентус" УЕФА рейтингида 43-ўринда эди, ҳозир 5-ўриндамиз. Вазиятни таҳлил қилишимиз керак. "Аякс" "Бавария"га муаммолар яратди, "Реал" ва "Ювентус"ни турнирдан чиқариб юборди. Рақиб қаршисида шляпамизни ечишимиз керак. Бу жамоа менга бир неча йил олдин ярим финалда ўйнаган "Монако"ни эслатиб юборяпти. Ҳозир улар турнир ғолиби бўлиш учун асосий номзодлардан бири" - дейди Аньелли.