“Ювентус” Головин билан келишувга эришди

Саудия Арабистонига қарши ўйинда битта гол, иккита голли узатмани амалга оширган Россия терма жамоаси ва ЦСКА клуби ярим ҳимоячиси Александр Головин “Ювентус” клуби билан келишувга эришди.

Қайд этилишича, Турин клуби вакиллари футболчининг агенти билан келишувга эришган. Бироқ ҳали унинг клуби билан музокаралар бошланмаган.

Аввалроқ, туринликлар футболчи учун 18 млн евро тўлашга тайёрлиги хабар қилинган эди. “Армиячилар” эса футболчини 25 млн евродан камига сотмоқчи эмас. Шунингдек, футболчига “Барселона”нинг ҳам қизиқаётганлиги ойдинлашди.