Юрген Клопп: “Суонси”га омад клуби боқди. Аммо улар ҳақли ғалабага эришишди”

“Биринчи бўлимда атиги 4 ёки 5 та хавфли вазият яратилди. Биз шуни кутгандик ва  ўз ҳужумларимизни ташкил этиб уни самарали якунлашимиз шарт эди. Аммо бу ишни бажара олмадик.

Шундан кейин битта вазиятда яккакурашда Льорентега ютқаздик ва оддий гол ўтказиб юбордик. Иккинчи гол киритилган вазиятда эса рақибни бу тахлит тўпни етказиб беришига йўл қўймаслигимиз лозим эди.

Шунақаси ҳам бўлиб туради. Биз ўйинга қайта олдик. Ҳақли равишда иккита гол киритдик. Аммо “Суонси”нинг учинчи голи аламли бўлди. Сигурдссон қандай қилиб бир ўзи қолиб кетди. Мен бу вазиятни изоҳлай олмайман.

Бу адолатданми? Менимча, йўқ. Аммо рақиб ғалабага ҳақли эди. Чунки улар ўзлари яратган вазиятларни голга айлантира олишди”, дейди Клопп.