"Юнайтед" ёзда иккита ҳужумчи сотиб олмоқчи

Ўтган ёзда Ван Галь "Юнайтед" тарбияланувчиси Данни Уэлбекни "Арсенал"га сотиб юбориб "Монако"дан Радамель Фалькаони ижарага олганди. Колумбиялик футболчи инглиз клубида ўзини кўрсата олмади ва ҳозир ёшлар жамоасида ўйнамоқда.

Мавсум тугагач "қизил иблислар" Радамелни "Монако"га қайтариб юборишади. Унинг ўрнига бир эмас икки нафар ҳужумчи таклиф этилади, деб хабар бермоқда Daily Mirror нашри.

Ван Гал нафақат Фалькао балки ҳамюрти Робин Ван Персининг ёмон спорт формаси ўйлантириб қўйди. Мураббий Уэйн Рунини ярим ҳимояда кўпроқ фойда келтиради деб уни ҳужумда ўйнатмаяпти.

"Юнайтед" сотиб олиши мумкин бўлган ҳужумчилар орасида Пауло Дибала ("Палермо") ва Эдинсон Кавани (ПСЖ) бор.