Ёшларимизни ғалаба билан қутлаймиз!
11 jun 2015 12:36
News

Ёшларимизни ғалаба билан қутлаймиз!

Шу кунларда Янги Зеландияда ёшлар (U-20) ўртасида қизғин давом этаётган жаҳон чемпионати баҳсларини “Қизилқум” ПФК маъмурияти ва жамоа аъзолари ҳам катта ҳаяжон ва зўр қизиқиш билан кузатиб бормоқда.

Ўзбекистон ёшлар терма жамоасининг нимчорак финалда Австрия футболчилари устидан қозонган ғалабаси барча халқимиз қаторида навоийликларни ҳам беҳад хурсанд қилди. Қолаверса, учрашувда ёшларимиз посбони, “Қизилқум” жамоаси дарвозабони Дилшод Ҳамроевнинг ишончли ўйинидан кўксимиз ғурурга тўлди.

Фурсатдан фойдаланиб, “Қизилқум” ПФК раҳбарияти ва барча жамоа аъзолари Равшан Ҳайдаров бош мураббийлигида юртимиз шарафини муносиб ҳимоя қилаётган ёшларимизни муҳим ғалаба билан табриклайди. Ишонамизки, Ўзбекистон ёшлар терма жамоаси келгуси учрашувларда ҳам халқимиз ишончини оқлаб, миллионлаб мухлисларимизга олам-олам қувонч ҳадя этадилар. Ўзбекистон Сизлардан фақат ғалаба кутади!!!

“Қизилқум” ПФК Матбуот хизмати.

Link :

Source : fcqizilqum.uz

Receive latest football news directly on your phone. Subscribe for our Telegram channel!

Rating: