"Йўқол, Эвра". Мухлислар "Марсель" ҳимоячисига ўз муносабатларини билдиришди + ФОТО

Европа лигаси доирасида "Гимараеш"га қарши ўйин олдидан французлар ҳимоячиси Патрис Эвра унга эътироз билдириб бақирган мухлисни тепади. Шундан сўнг, УЕФА дарҳол интизомий иш очади, "Марсель" эса ана шу суриштирувлар вақтида ўйинчини клубдан четлаштирди. Ҳозирча у жамоа билан машғулот ҳам ўтказа олмайди, ўйинга ҳам туша олмайди.

"Марсель" - "Кан" (5:0) учрашуви олдидан Эвранинг кийиниш хонасидаги жойи мана шундай кўриниш олди.

Ўз навбатида, Эвра билан боғлиқ ўзига ҳос тарих трибуналарда асосий мавзу бўлди.

Асосий баннер: "Сен клубдан ҳам муҳимроқман деб ўйладинг. Сени бизнинг рангларда кўришни хоҳламаймиз. Йўқол, Эвра".

Бошқа бир баннерда шундай ёзилди: "Ўз футболкангга муҳаббат. Мухлисларга хурмат. Профессионализм. Нима, биз жуда кўп нарса сўрадикми?"

Яна бир баннерга эса инглиз тилида ёзишди: "This Game Is Over" (Бу ўйин тугали).

Бу ерда "Марсель" мухлислари енгил сўз ўйини қилишган. Боиси, Эвра ижтимоий тармоқларда юқоридаги услубда тез-тез футболни севишини ёзади (I love this game).

Эвра бундай ҳолатда қачондир "Марсель"га қайтишини тасаввур қилиш қийин.

Бу ҳозирча Эвранинг "Марсель" экипировкасидаги охирги сурати. Мухлис тепилганидан сал ўтиб олинган сурат.

Патрис Эвранинг ўзи эса вазиятга оптимистларча ёндашмоқда. Бу нарса унинг инстаграмдаги постида кўзга ташланади: "Яхши натижа ва ажойиб иш, йигитлар. Сиз билан фахрланаман. "Марсель"нинг барча ҳақиқий мухлисларига раҳмат. Мен улардан ажойиб қўллаб-қувватлашни оламан".