Йерри Мина:”Ҳар куни машғулотларда 50 евро йўқотардим”
31 jul 2018 07:51
News

Йерри Мина:”Ҳар куни машғулотларда 50 евро йўқотардим”

“Барселона” ҳимоячиси Йерри Минанинг айтишича, у ўтган мавсумда кам ўйин амалиётига эга бўлганлиги учун ўзини ёмон ҳис қилган.

“Мен ёмон нарсалар ҳақида ўйлардим. Ҳаммаси мен учун тугади, деб ўйлай бошладим. Шу даражада ёмон аҳволга тушиб қолгандимки, Коутиньо ва Паулиньо менга ёрдам беришга интилишди. Мени тинчлантириб, ҳаммаси жойида бўлишини тушунтира олишди.

Тушунаман: менинг позициямда ажойиб футболчилари тўп тепишади. Аммо мен барчани ҳайратда қолдириш учун бир дақиқа бўлсада майдонга тушмоқчи эдим, бироқ бу нарса содир бўлмади.

Жамоага келганимда Месси ва Суарес билан биргаликда яхши муҳитни яратишга уриндик. Машғулотларда ким жарима тўпини яхши ижро этиши борасида баҳслашардик. Ҳар куни машғулотларда 50 евро ютқазардим.

Албатта, улар бетакрор футболчилар. Жарима зарбасини дарвозанинг ўзлари истаган нуқтасига исталгандек йўналтира олишади. Улар буюк футболчилар.

Олдинда мени нима кутаётганини билмайман, аммо хотиржамман. 23 ёшдаман ва ҳали анча вақт майдонда тўп тепаман”, дейди Мина.

Link :

Source : Marca

Receive latest football news directly on your phone. Subscribe for our Telegram channel!

Rating: +22