Яйпанда янги жамоа ташкил қилинди

Бу ҳақда Championat.asia мухбири Бекзод Толибов маълум қилди. 

"Миллий чемпионатларимизда айни шу ном остида иштирок этади.

Мақсад ва вазифалари жиддий қаралаётган жамоа. "Яйпан" футбол клуби собиқ "Турон" инфратузилмасидан фойдаланади. Клуб давлат томонидан, хусусан, ҳокимлик томонидан молиялаштирилади. Бугундан футбол клуби дастлабки қадамларини бошлади, собиқ "Турон"чилар ортга қайтариляпти. Клубнинг айни дамдаги сметаси ҳам анчайин яхши, шу мавсумнинг ўзидаёқ қатор маҳаллий таниқли номлар жамоа таркибига жалб этилади. Миллий чемпионатларимиздаги барча босқичлар спорт тамойилларига асосланган ҳолда босиб ўтилади, Суперлига сари йўл. Шу йилнинг ўзидаёқ маҳаллий ёш иқтидорлар клубнинг турли ёшдаги жамоаларига жалб этилади. Футболсевар Яйпан аҳли учун катта футбол қайтяпти.

Клуб логотипидаги шакллар айнан "Дўстлик" стеласи рамзини акс эттиради", – дейилади Толибов хабарида.