Хосеп Гвардиола: “Наполи” бизни тор-мор келтириши мумкин”
17 oct 2017 01:11
News

Хосеп Гвардиола: “Наполи” бизни тор-мор келтириши мумкин”

“Манчестер Сити” клуби бош мураббийи Хосеп Гвардиола ЕЧЛ доирасидаги “Наполи”га қарши кечадиган ўйин олдидан ўз фикрлари билан ўртоқлашди.

“Мен футболчиларимга “Наполи” иштирокидаги ўйинларни кўрсатдим ва намойиш этишда яна давом этаман. Улар ўзларини нима кутаётганини тушуниб етишларини истайман. Аввал “Шахтёр”га қарши учрашув олдидан ҳам худди шундай услубни қўллагандим ва бу иш берганди.

Ўйлайманки, бу сафар ҳам худди шундай бўлади. “Шахтёр”нинг ўйин услуби “Наполи”га ўхшаб кетади. Неаполликлар ўзларининг ақлбовар қилмас прессинги билан бизни тор-мор келтириши мумкин”, — деди Гвардиола.

Маълумот учун, “Манчестер Сити” - “Наполи” учрашуви 17 октябрь куни Манчестер шаҳридаги “Этихад” стадионида Тошкент вақти билан соат 23:45да бошланади.