Хосеп Гвардиола: "Кейинги босқичга чиққанимиздан хурсандман"

- Биз жуда яхши ўйин ўтказдик, бу Англия Кубоги учун типик характердаги ўйин эди - шунинг учун ҳам бу мусобақа ҳайратланарли. Биз уларнинг кучли эканликларини ва линиялар бўйлаб кўп ҳаракатланишини билардик. Улар жуда яхши жамоа ва ажойиб бошқарувга эга, аммо биз ҳам кўплаб имкониятлар яратдик. Кейинги босқичга чиққанимиздан хурсандман.

- Биринчи таймда жамоангиз қийинчиликка учрадими-йўқми?

- Менимча, бундай эмас. Дастлабки 10-15 дақиқа, эҳтимол, шундай бўлгандир, лекин рақиб жамоа урган ажойиб голдан сўнг биз ўйинни ўз қўлимизга олдик ва кўплаб имкониятлар яратдик.

-Фил Фоден ва Кевин Де Брюйнени ўйинга туширишга мажбур бўлганидан афсусландингизми? 

- Асло йўқ, улар айнан шу учун бу ерга келди. Биз бу мусобақани жуда жиддий қабул қиламиз ва буни энг тўғри қарор деб ҳисобладик. Кевиннинг голи мени хурсанд қилди, унинг ҳаракати жуда яхши эди.

- Фил Фоден билан ўйин тугагандан сўнг нималар ҳақида гаплашдингиз?

- Йўқ, айта олмайман.

- Нико Гонсалеснинг жароҳати ҳақида.

- Премер-лигага ва ҳакамлар дунёсига хуш келибсан. Балки у ҳакамлар ҳақида билар, чунки бу осон эмаслигини тушунаман. Лигадаги жамоаларга қарши ўйнаганда нимадир қилиш осон эмас.