Хила қишда "Реал"га қайтиши мумкин

Бу ҳақда "Mundo Deportivo" хабар бермоқда.

Манбага кўра, "қироллик клуби" Эдер Милитао ва Давид Алаба жароҳат олгани учун ҳимоя чизиғини кучайтириши керак. 

Мадрид жамоаси Рим клуби ҳимоячисига бўлган ҳуқуқларнинг ярмига эгалик қилади ва уларда биринчи навбатда футболчини сотиб олиш имконияти ҳам бор.

Хила 2022 йилнинг июлида "Реал"нинг фарм-клуби ҳисобланган "Кастилья"дан "Лацио"га ўтди.  

Футболчининг римликлар билан битими 2027 йилнинг ёзига қадар мўлжалланган. Transfermarkt портали ҳимоячини 3 миллион еврога баҳоламоқда.

Хила 2023/24 йилги мавсум "Лацио" сафида 8 та ўйин ўтказди ва ҳеч қандай самарали ҳаракатларни амалга оширмади.