Хайрулло Абдиев: "Насаф" ёшларини мағлуб этишимиз ҳам мумкин эди"
31 mar 2016 23:06
News

Хайрулло Абдиев: "Насаф" ёшларини мағлуб этишимиз ҳам мумкин эди"

Ёшлар лигаси доирасидаги "Насаф" – "Обод" (0:0) жамоалари учрашувидан сўнг биз "Обод" клуби ўринбосарлар жамоасига устозлик қилиб келаётган Хайрулло Абдиевнинг фикрлари билан қизиқдик.

- Бугунги ўйин қизиқарли ва томошабоп бўлди. Майдонда иккала жамоа аъзолари ҳам очиқ, ҳужумкор ўйин кўрсатишга интилишди. Биринчи бўлимда ташаббус қисман шогирдларим томонида бўлди ва ҳисобни очиш учун яхши имкониятларга ҳам эга бўлдик. Бироқ, яратилган вазиятларни голга айлантиришда йигитларга бироз аниқлик етишмади. Иккинчи бўлимда эса "Насаф" устунликни ўз қўлларига олишган бўлса-да, ўйинда ҳисоб очилмади.

- Мураббий сифатида шогирдларингизнинг тайёргарлигини қандай баҳолайсиз?
- Мавсум бошланганига кўп бўлгани йўқ. Шу боис ҳали шогирдларим тўлиқ тайёр, деб айтолмайман. Айни пайтда жамоамиз жисмоний жиҳатдан қандайдир 75-80 фоизга тайёр. Лекин турдан турга жамоанинг ўйини очилиб бормоқда ва умид қиламанки чиройли ўйинларимиз ҳали олдинда.

Link :

Source : championat.asia

Receive latest football news directly on your phone. Subscribe for our Telegram channel!

Rating: