Хави: "Барселона"га керак бўлган янги футболчи — Холанд

Испания терма жамоаси ва "Барселона"нинг собиқ ярим ҳимоячиси, шунингдек каталония клубининг собиқ мураббийи Хави журналист билан бўлган блиц-савол жавобда "Барселона"га қайси футболчини имзолаш кераклиги ҳақидаги саволга жавоб берди.

— "Барселона" учун янги трансфер ким бўлиши керак?
— Холанд, — деб жавоб берди Хави.

Жорий мавсумда 25 ёшли Эрлинг Холанд барча мусобақаларда 16 та ўйин ўтказиб, 24 та гол урди ва 4 та голли узатма берди. "Манчестер Сити" ҳужумчиси клуб ва терма жамоа сафида кетма-кет 10 та ўйинда гол урган — бу норвегиялик футболчининг фаолиятидаги энг узоқ самарали серия ҳисобланади.