Хамес: "Ҳозир бироз орқароқдан ҳаракат қиляпман"

Зидан билан муносабатим ёмон эмас. Шунчаки ҳар ҳафта майдонга тушишни истайман. Зидан ва "Реал"га ёмонлигим йўқ. Ҳаммадан миннатдорман. Шунчаки ўз жамоам учун яхши ўйнамоқчиман.

Айни дамда "Бавария" футболчисиман. Клубда бахтлиман ва ўз ўйиним ҳақида ўйлаяпман. Кўрамиз, фаолиятим қандай давом этар экан, аммо ҳозир бор эътиборим "Бавария"га қаратилган.

"Реал"да ўйнаш имкониятига эга бўлганимда, доимо нимага қодирлигимни кўрсатганман. Гол уришга, дарвозани ишғол қилиш учун имконият излашга, жамоа учун ўйнашга ҳаракат қилганман. "Реал" футболчиси эмаслигимда кимдир айбдор деб ўйламайман.

Шунчаки, жамоадошларимга финалга чиқиш учун ёрдам бериш ниятидаман. Ҳаммамиз шунга интиляпмиз. Стадионда мени қандай кутиб олишларини билмайман. Менга маҳаллий мухлислар ёқади, доимо бор кучимни ишга соламан ва шу сабабли, мени яхши кутиб олишади деб умид қиламан.

Ҳозир бироз орқароқдан ҳаракат қиляпман. "Реал"дагидек рақиб дарвозасига яқин ўйнаётганим йўқ. "Бавария"да кўпроқ ҳаракатланишим, орқага қайтиб, прессинг уюштиришим керак. Ҳамма футболчиларга шундай талаблар қўйилган" - дейди Хамес.