Халк, Карраско, Бакамбу... Хитой чемпионатини кузатишга сабаб бўла оладиган 10 футболчи

Бу сафар ҳам мухлислар хитойликларнинг ақлбовар қилмас харидларини кузатиб боришди. Николас Гайтан, Янник-Феррейра Карраско ва Седрик Бакамбу Хитой чемпионатига трансфер қилинди. Ундан олдин Хавьер Маскерано ҳам ўша ерга етиб борди. Янги футболчилар орқали мамлакат миллий чемпионати янада қизиқроқ бўлади.

"Тажрибалилар"

Халк ("Шанхай СИПГ" — 43 ўйин, 31 гол, 13 асситентлик)

Бразилиялик футболчи 2016 йили "Зенит"дан "Шанхай СИПГ"га ўтганди. Ўша мавсумда у жароҳати сабабли фақатгина 7 учрашувда майдонга тушди ва 5 тўп киритишга эришди. Ўтган мавсумда 17 гол урди, бироқ бу асосий тўпурар бўлиш учун етмади. Шундоқ ҳам унинг натижалари яхши: голлар ва ассистентлик жуда кўп. У ўз мухлисларини хурсанд қилишда давом этмоқда.

Оскар ("Шанхай СИПГ" — 22 ўйин, 3 гол, 9 асситентлик)

Оскарнинг Хитойдаги дебют мавсуми худди жамоаси каби унчалик сермаҳсул бўлмади. Бироқ у "гол+пас" тизимида фаолиятидаги энг яхши натижани қайд эта олди. Оскар майдонда "найзанинг учи" ҳисобланмайди, тезкор қарши ҳужум усиз ташкиллаштиради. Бошқа футболчилар орқали бошланади. Миллий чемпионат бошланишига 2 кун қолганида футболчи ваъда берди: у жамоаси олтин медал қўлга киритмагунча, ҳеч қаерга кетмайди.

Эран Захави ("Гуанчжоу Фули" — 45 ўйин, 38 гол, 12 асситентлик)

Бир вақтлар Италияда у ўзини кўрсата олмаганди, Хитойда эса яхши ҳаракат қилмоқда. Худди Халк каби у ҳам Хитой суперлигасида бир ярим йилдан буён ҳаракат қилмоқда. Ўтган мавсумда у 27 гол киритишга эришди ва энг яхши тўпурар бўлди. Жамоаси "Гуанчжоу Фули" бронза медаль соҳибидан 2 очко кам жамғарилган ҳолда 5-ўринни эгаллади.

Аксель Витсель ("Тяньцзинь Цюаньцзянь" — 27 ўйин, 4 гол, 2 асситентлик)

Яна бир Россия чемпионатида тўп тепган футболчи ўтган мавсумда Хитой жамоасига ўтиб кетди. У "Зенит"да Европа қитъасидаги фаолиятини давом эттиришни истамади. Тасаввур қилинг, бу клубдан кўра "Ювентус" таркибида ўйнаш бироз ёқимлироқ. Шу боисдан Витсель Питер жамоасида ўйнаш иштиёқини йўқотди, буни ўзи ҳам эътироф этди. Энди у журналистларга юраги Россияга кўникиб қолганини, Осиё қитъасига мослашиш қийин кечаётганини айтиб ўтди. Ҳозирча унинг Европа қитъасига қайтиш нияти йўқ. У асосий таркибдан жой олган ва йилига 18 млн евро маош олади.

Ву Лэй ("Шанхай СИПГ" — 224 ўйин, 94 гол, 19 асситентлик)

Ву "Шанхай СИПГ"даги фаолиятини клуб 3-дивизиондалигида бошлаган. Унинг ҳисобида 2 рекорд бор. Биринчиси - расмий ўйинда майдонга тушган Хитойнинг энг ёш футболчиси (14 ёш, 287 кун). Иккинчиси - расмий ўйинда гол киритган энг ёш футболчи (16 ёш 289 кун). Эндиликда Ву Лей Халк, Оскар, Элькесон, Одил Аҳмедов каби футболчилар билан елкама елка тўп тепмоқда. Ўтган мавсумда у 20 гол билан чемпионат тўпурарлар жадвалида иккинчи ўринни қўлга киритди. Хитойда фақатгина машҳур легионерларга эмас, маҳаллий футболчиларга ҳам эътибор қаратиш керак.

Эсекьель Лавесси ("Хэбей Чайна Форчун" — 43 ўйин, 22 гол, 23 асситентлик)

ПСЖдан кетган Лавесси катта маош эвазига Хитойга жўнади. Бу 2016 йилда содир бўлганди. Норасмий маълумотларга кўра, аргентиналик футболчи Хитойда 50 млн еврога яқин маблағ ишлаб топмоқда, бу эса уни дунёнинг энг бой футболчисига айлантирмоқда. Бироқ у яна Европага қайтишни истамоқда. Сабаби сўнгги вақтларда Лавессини миллий термага чақирмай қўйишди. Ярим ҳимоячи мундиалда ўйнаб, миллий термага ёрдам бериш истаги борлигини яширмаяпти. Хитойда аҳмоқона ўтган илк мавсумида у гол киритишни уддаламади. Навбатдаги мавсумда эса 20 бора рақиб дарвозасини ишғол этди, шунингдек, 15 голга ассистентлик қилди. Янги чемпионатда Лавесси бундан-да кўпроқ гол уриш истаги борлигини маълум қилди.

"ЯНГИЛАР"

Седрик Бакамбу ("Бэйцзин Гоань")

Бу мавсумда "Пахтакор"га қайтиб келган Егор Кримецнинг собиқ жамоаси "Бэйцзин Гоань" "Вильярреал"дан ақлбовар қилмас - 90 млн евро эвазига Седрик Бакамбуни харид қилди. Энди у тарихдаги энг қиммат африкалик футболчи. Бунгача бундай нархни хаттоки Пьер-Эмерик Обамейянгга ҳам таклиф қилишмаганди. "Вильярреал"га Бакамбуни сотиб олиш 40 млн еврога тушганди. Нима бўлган тақдирда ҳам Хитой чемпионати яхши томонга ўзгармоқда.

Николас Гайтан ("Далянь Ифан")

"Бенфика" ҳам иқтидорларни етказиб берадиган масканлардан бири. Никлас Гайтан ҳам ана шу ердан чиққан. Табиийки, у ўша жамоасида қолишга қаттиқ ҳаракат қилди. Кучли бешликнинг топ жамоаларидан яхши таклифлар бўлди ва 28 ёшида у ерни тарк этишга аҳд қилди. "Атлетико"да у ўзини кўрсата олиши мумкиндек кўринганди. Бироқ асосий таркиб футболчисига айлана олмади. Энди Гайтан ўзини Хитой чемпионатида кўрсатмоқда. У 30га кирган, оз бўлса-да, Европада тўп суришга кучи етади.

Янник-Феррейра Карраско ("Далянь Ифан")

Бельгиялик футболчининг жамоасини ўзгартириши - қишки трансферлар ойнасининг энг қизиқ воқеаси бўлди. Гайтан билан солиштирадиган бўлсак, 24 ёшли футболчининг трансфер ишлари тезлашиб кетди. Ҳа, у асосий таркибда мунтазам ҳаракат қилмади, бироқ "Атлетико"нинг асосий механизмларидан бири эди. Футболда шундай: Кеча ЕЧЛ финалида "Реал"га гол уриб, бугун Хитойга кетиб қолишинг ҳам мумкин. Энди у ҳам фаолиятини Хитой чемпионатида ривожлантиради.

Хавьер Маскерано ("Хэбей Чайна Форчун")

Хавьер "Барселона" учун 8 йилини баҳшида қилди. Бошида Каталония клуби таркибида яхши ўйин кўрсата олмаганди, бироқ вақт ўтган сайин жамоага кўникиб борди ва асосий футболчига айланди. Ҳа, "Барселона" ўзининг қария футболчисини қўйиб юборгандек. Балким у Хитойда фаолиятини ҳам якунлаши мумкин. Аммо чемпионатдаги илк мавсумида терма жамоадоши Эсекьел Лавесси билан бирга ўйнайди.

Миржалол Норматов таржимаси