"worldreferee.com" ҳакамларга қандай балл қўяди?

Сайтда ҳакамларга баҳони мухлислар қўяди. Бу сайтда ҳар ким рўйхатдан ўтиши ва ҳакамлар бошқарган (ўзи кўрган ва кўрмаган) ўйинларга 10 баллик тизимда баҳо қўйиши мумкин. Битта ҳакамга берилган баллнинг йиғиндиси, овоз берган ўқувчи сонига бўлиниб, ўртача балл чиқарилади.

Буни истаган ўзбекистонлик ўқувчи амалга ошириши мумкин. Бу сайт ФИФА томонидан тан олинмаган. Масалан, Аргентина - Эрон учрашувидаги битта эпизод учун, эронлик ўқувчилар Мазичга 2 баҳо қўйиб ётишибди. Эронда бу борада қандай тажриба борлигини ҳаммамиз биламиз. Ёдингизда бўлса, 2011 йилнинг энг яхши голига Гейнрих ва эронлик футболчи даъвогарлик қилаётганди. ОФК сайтида ўтган сўровномада, бир кун ичида, эронлик фойдаланувчилар, 1 ўрин катта фарқ билан рақибларини ортда қолдирган Гейнрихни бир неча соат ичида ортда қолдириб юборган эдилар.

Шундай экан, бу сайтда ҳамюртимиз Равшан Эрматовни баллари юқорилаб кетса ҳам, пасайиб кетса ҳам, бунинг ФИФАга ҳеч қандай аҳамияти йўқ.

Нодирхўжа Юлдашев