Воҳид Холбоев: "Пенальтини бермаса ҳам бўларди"
28 apr 2018 22:30
News

Воҳид Холбоев: "Пенальтини бермаса ҳам бўларди"

Бугун Ўзбекистон Про-лигаси 5-тури доирасида "Ғиждувон" - "Нурафшон-Интер" (2:1) жамоалари ўртасида учрашув бўлиб ўтди. Унда мезбонлар сўнгги дақиқаларда берилган пенальти эвазига 2:1 ҳисобидаги иродали ғалабага эришишди.

Учрашувдан кейин "Нурафшон-Интер" жамоаси устози Воҳид Холбоев ўз фикрларини билдириб ўтди.

"Бугун биз ютишимиз керак эди. Худди ўтган учрашув каби кўплаб вазиятларга эга бўлдик. Бироқ ундан фойдалана олмадик. Йигитлар яхши ҳаракат қилишди. Аммо омадимиз келмади. Ўйин вақтида 5-6та голга тортадиган имкониятларни йўққа чиқардик. Рақиблардан кўра яхшироқ ўйин кўрсатгандик. Ютган жамоа биздан кучли эмасди, агарда кучли бўлганида 4-5та гол киритган бўларди. Улар шунчаки ўзлари яратган вазиятдан, бизнинг хатоларимиздан фойдалана олди. Биз эса 4 метрдан ҳам гол ура олмадик.

Рақиблар дарвозабони ўзини кўрсатди. Ушбу мавсум бошланишидан олдин у бизнинг жамоамиз йиғинларида бўлганди.

Ҳа, сўнгги дақиқаларда пенальтидан гол ўтказдик. Пенальтини бермаса ҳам бўларди. 50га 50 вазият эди. Ҳакам эса ҳуштак чалди ва пенальти белгилади", - деди Воҳид Холбоев.

Миржалол Норматов ёзиб олди

Link :

Source : championat.asia

Receive latest football news directly on your phone. Subscribe for our Telegram channel!

Rating: