Водий футболи: "Нефтчи"дан 450-ғалаба

"Андижон": Иброҳим Отахоновни табриклаймиз!

Бугун “Андижон” жамоамиз ярим ҳимоячиси Иброҳим Отахонов бугун туғилган кунини нишонламоқда. Жамоамизнинг маҳоратли ярим ҳимоячиси 30 ёшни қарши олди.

“Андижон” жамоаси номидан Иброҳим Отахоновни туғилган куни билан табриклаймиз. Футболчига сиҳат-саломатлик ва яшил майдондаги фаолиятига омад тилаймиз.


"Нефтчи": 450-ғалаба "Бунёдкор" устидан қўлга киритилди

Олий лиганинг 22-турида Фарғонанинг "Нефтчи" клуби ўз майдонида "Бунёдкор"ни 2:0 Ҳисобида таслим қилди.

Ушбу ғалаба "Нефтчи"нинг олий лига тарихидаги юбилей 450-ғалаба бўлиб тарихга кирди.

Жамоа бугунга қадар 702та ўйинда 450та ғалаба, 101тур дуранг ва 151та мағлубият қайд этди. 1484та гол уриб 712та гол ўтказиб юборди.


"Навбаҳор": Кетма-кет тўртинчи ўйинда мағлубият

Наманганнинг "Навбаҳор" клуби ўз уйида "Пахтакор"ни қабул қилиб 0:1 ҳисобида ютқазиб қўйди.

Шу тариқа, "лочинлар" олий лигада кетма-кет тўртинчи ўйинда мағлубият аламини тотиб кўришди. Ўтган турларда жамоа "Динамо", "Бунёдкор" ва "Сўғдиёна"га ютқазганди. "Навбаҳор" сўнгги бор 15 август куни "Нефтчи" устидан зафар қучганди.