"Водий футболи": 4та клубнинг сентябрь ойидаги ўйинлари ҳақида

"Нефтчи": Сентябрда "Бунёдкор" ва "Пахтакор" билан ўйнаймиз

Мурод Исмоилов бошчилигидаги "Нефтчи" навбатдаги турда Жиззахда "Сўғдиёна" клуби меҳмони бўлади. Сўнгра фарғоналиклар ўз мухлислари қаршисида "Бунёдкор"ни қабул қилишади. 25 сентябрда жамоа Самарқандда Баҳром Ҳакимов бошқараётган "Динамо" клуби синовидан ўтишади. 24-турни "Нефтчи" ўз уйида "Пахтакор"га қарши ўтказади.


"Қўқон-1912": "Машъал", "Бухоро", "Қизилқум", "Шўртан" билан ўйнаймиз

21-турда "Қўқон-1912" ўз майдонида "Машъал" билан ўйнайди. Кейинги турни Рустам Абдуллаев шогирдлари сафарда чемпионат аутсайдери "Бухоро" клуби меҳмони бўлишади. 23-турни жамоа Қўқонда "Қизилқум"га қарши ўтказади. Ниҳоят 24-турда қўқонликлар Ғузорда "Шўртан" билан тўқнаш келади.


"Навбаҳор": Бу ойда водий дербисида ўйнаймиз

Наманганнинг "Навбаҳор" клуби 21-турни "Динамо"га қарши сафарда ўтказади. Кейинги турни жамоа ўз уйида "Пахтакор"га қарши Наманганда ўтказади. 23-турни "лочинлар" Қаршида "Насаф" клубига қарши ўтказишади. Навбатдаги баҳсни "Навбаҳор" ўз уйида водий дербиси доирасида "Андижон"га қарши ўтказади.


"Андижон": Сентябрда "Локомотив"ни қабул қиламиз

Янги мураббий бошчилигидаги "Андижон" 12 сентябрь куни ўз уйида "Қизилқум"ни қабул қилади. Кейинги турни "бургутлар" Ғузорда "Шўртан"га қарши ўтказишади. 25 сентябрь куни жамоа "Локомотив" билан Андижонда ўйнайди. Кейинги турни Сергей Ковшов бошчилигидаги жамоа "Навбаҳор"га қарши ўтказади.