"Водий футболи". Водий клублари 13-турга тайёрланишмоқда

"Навбаҳор": Жамоа "Қизилқум" билан ўйинга тайёргарликни давом эттирмоқда

Наманганнинг "Навбаҳор" клуби олий лиганинг навбатдаги тури учун тайёргарликни давом эттирмоқда. 18 июнь куни Навоийда "Қизилқум"га қарши кечадиган баҳс "лочинлар" учун жуда муҳим ҳисобланади.

Раҳматулло Бердимуродов жамоа машғулотларига қўшилган. У жароҳатини даволаб енгил машқларни бажармоқда. Таркибда бошқа йўқотишлар йўқ.


"Андижон": "Бунёдкор" билан баҳс бир кун кеч бўлиб ўтади

Олий лиганинг 13-туридан ўрин олган "Андижон" - "Бунёдкор" учрашуви тақвим бўйича 19 июнда бўлиб ўтиши керак эди. Бироқ "Бунёдкор"нинг кўплаб футболчилари терма жамоага жалб этилгани боис ПФЛ ўйинни 20 июнга кўчирди.


"Нефтчи": Мурод Исмоилов ва Тохир Кападзе Ахрол Иноятовни табриклашди

Бугун Ўзбекистон Футбол Федерацияси мажлислар залида ўзбек футболи фахрийси, Ўзбекистондаги футбол мусобақаларида келишилган ўйинларни аниқлаш бўйича Экспертлар Қўмитаси раиси — Ахрол Иноятовнинг 70 ёшга тўлгани муносабати билан тадбир бўлиб ўтди. Ушбу тадбирда “Нефтчи” вакиллари - Тохир Копадзе, Мурод Исмоилов ҳам иштирок этиб Ахрол Иноятовни туғилган кун билан табриклашди.