"Водий футболи": "Нефтчи" қора анъанага барҳам берди

"Нефтчи": 7 йилдан сўнг "Қизилқум"га сафарда ютқазмадик

Фарғонанинг "Нефтчи" клуби кеча Навоийда "Қизилқум" меҳмони бўлди. Сўнгги бор 2008 йил ушбу жамоани сафарда мағлуб этган фарғоналиклар 6 йил давомида фақат мағлуб бўлишди. Кечаги дуранг орқали (0:0) қора анъанага барҳам берилди.

Мурод Исмоилов шогирдлари биринчи даврани 3-ўринда якунлашди.  


"Қўқон-1912": Ўз майдонимизда "Бунёдкор"га ютқаздик

Тошкентнинг "Бунёдкор" клубини қабул қилган "Қўқон-1912" жамоаси ўз мухлислари қаршисида 0:1 ҳисобида мағлуб бўлди.

Жамоа дастлабки даврадаги охирги ўйинни 5 июль куни "Пахтакор" билан ўйнайди.

Рустам Абдуллаев бошчилигидаги жамоа 14та ўйиндан сўнг 10 очко тўплаб 14-ўринда бормоқда.


"Навбаҳор": Биринчи даврадаги энг йирик мағлубиятни қабул қилиб олдик

Наманганинг "Навбаҳор" клуби Тошкентда "Локомотив" клуби меҳмони бўлиб 1:5 ҳисобида мағлуб бўлди. Ушбу натижа дастлабки даврада олий лигада қайд этилган энг йирик ҳисоб бўлди.

Худди шу ҳисоб "Металлург" - "Андижон" ўртасидаги ўйинда қайд этилганди.

"Навбаҳор" биринчи даврада 18 очко жамғариб мусобақа жадвалининг 9-поғонасидан ўрин олди.


"Андижон": "Пахтакор"га ютқаздик

Эдгар Гесс бошчилигидаги "Андижон" клуби ўз майдонида "Пахтакор"ни қабул қилиб 0:1 ҳисобида имкониятни бой бериб қўйди.

Шу тариқа, "бургутлар" 11 очко билан мусобақа жадвалининг 13-поғонасида боришмоқда.