"Водий футболи": "Нефтчи" қора анъанага барҳам берадими?

"Андижон": Тайёргарлик бугундан бошланади

Жума куни “Динамо” клубига қарши бўлган ўйиндан сўнг Эдгар Гесс футболчиларга бир кунлик дам берди. Бугун куннинг иккинчи ярмидан жамоамиз яна ўз қароргоҳига йиғилади.

Хабарингиз бор, 1 июль куни “Андижон” биринчи давранинг сўнгги турида ўз майдонида “Пахтакор”ни қабул қилади. Мана шу ўйинга жамоамиз тайёргарликни бугундан бошлайди. Шуни айтиб ўтиш керакки, дисквалификицияга учраган футболчиларимиз Иброҳим Отахонов билан Санжар Асқаралиев “Пахтакор”га қарши майдонга тушишлари мумкин. Чунки улар бештадан ўйинни ўтказиб бўлишди.


"Нефтчи": Охирги 6 йилда "Қизилқум"га сафарда 6 марта мағлуб бўлганмиз

Фарғонанинг "Нефтчи" клуби 15-турни Навоийда "Қизилқум"га қарши ўтказади.

Эътиборлиси охирги олти ўйинда “Қизилқум” ўз уйида "Нефтчи" устидан фақат ғалаба қозонган. Кўрамиз 1 июль кунги ўйинда фарғоналиклар ўзлари учун қора анъанага барҳам беришармикин.


"Навбаҳор": Улуғбек Бақоев "Локомотив"га қарши ўйнай олмайди

Наманганнинг "Навбаҳор" клуби олий лиганинг 15-турини Тошкентда "Локомотив"га қарши ўтказади.

Ушбу ўйинда "лочинлар" ҳужумчиси Улуғбек Бақоев иштирок эта олмайди. Сабаби футболчининг огоҳлантиришлари сони 8тага етди.


"Қўқон-1912": Бугун "Бунёдкор"га қарши тайёргарлик бошланади

"Қўқон-1912" жамоаси бир кунлик дам олишдан сўнг бугун навбатдаги тур ўйинига тайёргарликни бошлайди.

Рустам Абдуллаев бошчилигидаги жамоа 1 июлда ўз майдонида Тошкентнинг "Бунёдкор" клубини қабул қилади.