Виллаш-Боаш: "Йигитларнинг кайфияти яхши"
28 feb 2017 11:47
News

Виллаш-Боаш: "Йигитларнинг кайфияти яхши"

"Шанхай СИПГ" ҳамда "Вестерн Сидней Уондерерз" ўртасидаги баҳсдан олдин хитойликлар устози Андре Виллаш-Боаш билан матбуот-анжумани бўлиб ўтди.

"Эртага Чемпионлар лигаси гуруҳ босқичидаги иккинчи учрашувимизни ўтказамиз. Йигитларнинг кайфияти яхши, чунки илк баҳсда ғалабага эришдик. Агар яна ғалаба қозонсак 6 очко чўнтакда бўлади.

"Вестер Сидней Уондерерз"нинг "Урава Редс"га қарши учрашувдаги мағлубиятини кўрдим, австралияликлар бу баҳсда аввалгисидан яхшироқ ўйнашга ҳаракат қилади. Улар 2014 йилги Осиё Чемпионлар лигаси ғолиби бўлган, шу сабабли уларни менсимаслик катта хато бўлади. Биз бу учрашувда ғалабага эришишимиз керак.

Таркибда тажрибали футболчилар борлиги яхши, чунки улар вазиятларга тўғри баҳо бера олишади. Бахтимизга, қишки йиғинда ҳимоянинг турли усулларини қўллаб кўрдик ва сўнгги учрашувларда Вен Шенчао ҳамда Ван Жиажиени ҳимоя марказига қўйдик.

Баҳс олдидан тўғри қарор қабул қиламиз деган умиддаман" - дейди Андре Виллаш-Боаш.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4