Виктор Кумиков: "Ниҳоят..."

"Ниҳоят, битта ўйинда иккита гол ура олдик, бу – яхши, аммо иккита гол ўтказиб юбордик, бу – ёмон. Камига оддий вазиятлардан гол ўтказдик, айниқса, биринчи гол. Икки рақиб олти нафар футболчимизга қарши ўйнаб, тўп киритди. 

Афсуски, вазифанинг фақат бир қисмини бажара олдик, голлар урдик. Гол ўтказмасликни бажара олмадик. 

Бундай майдонларда бизга ўйнаш қийин, сабаби Андижондаги майдон сифати бошқача. "Локомотив" майсасида тўп жуда тез ҳаракатланади ва мезбонлар яна гол уриши мумкин эди. 

Агар мусобақа жадвалидаги ҳолатимизни инобатга олмасак, дуранг балки ёмон натижамасдир, аммо ғалаба қозонсак, зўр бўларди", – деди Виктор Кумиков.