Виктор Чанов вафот этди

«Гордон» газетаси хабарига кўра маҳаллий вақт билан 19.50 футболчининг юраги тўхтаган. Чанов 1959 йил Донецкда туғилган. 1978-1981 йилларда «Шахтер» сафида, кейин 9 йил Киевнинг «Динамо» клубида ўйнаган. Собиқ Иттифоқ терма жамоаси таркибида 21та ўйин ўтказган.

Чанов уч карра Собиқ Иттифоқ чемпиони, беш карра Собиқ Иттифоқ кубоги соҳиби ва «Динамо» билан бирга Кубок Эгалари кубоги соҳиби бўлган.

У «ЦСКА-Борисфен» ва Киевнинг «Динамо» клубларида дарвозабонлар мураббийи бўлиб ишлаган.