Викарио "Ман Сити"га қарши 60 дақиқа синган оёқ билан ўйнаган
26 nov 2024 08:11
News

Викарио "Ман Сити"га қарши 60 дақиқа синган оёқ билан ўйнаган

"Тоттенхэм" голкипери Гульельмо Викарио АПЛ 12-тури доирасидаги "Манчестер Сити"га қарши баҳснинг (4:0) 60 дақиқасини синган оёқ билан ўтказганини маълум қилди.

"Баъзан футбол ўзининг максимум имкониятларини тақдим этади, баъзида эса сиз умуман кутмаган синовларга дучор этади. 60 дақиқа давом "Этихад"да тўпиқ суяги синган ҳолда ўйнаб, жамоа ғалабаси учун боримни бериш. Афсуски, баъзида шундай қилишингизга тўғри келади… Бу вазиятда жарроҳлик амалиётисиз иш ҳал бўлмасди.

Маълум вақт давомида жамоага ёрдам бера олмаслигимдан қаттиқ афсусдаман.

Шифокорлар ва бошқа тиббиёт ходимларига миннатдорчилик билдираман. Жарроҳлик амалиёти муваффақиятли ўтди ва эртадан бошлаб, мен кучлироқ, соғломроқ ҳамда жамоа учун яна боримни бериб ўйнаш учун астойдил меҳнат қилишни бошлайман.

Қўллаб турганликлари учун "Тоттенхэм" мухлисларига раҳмат. Яқинда майдонда кўришамиз", — деб ёзди Викарио ижтимоий тармоқдаги саҳифасида.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5