Вьетнамдан хабарлар

Бир соатдан кўпроқ вақт давом этган машғулотлар мобайнида вьетнамлик кўплаб ОАВ терма жамоамиз билан суҳбатлашишга ҳаракат қилишди. Бу ҳақда Ўзбекистон Миллий терма жамоаси расмий твиттери хабар бермоқда.

Машғулотлар вақтида терма жамоамиз техник директори Рустам Акрамов Вьетнам телеведениясига  қисқа интервью бериб ўтди.

"Вьетнам терма жамоаси менда жуда яхши таасурот қолдирган. Умуман олганда Вьетнамда футбол жуда тез ривожланмоқда. Делегациямиз яхши кутиб олинди. Ҳеч қандай ташкилий муаммоларга дуч келмаяпмиз. Бунинг учун Вьетнам футбол Федерациясига раҳмат!" - дея фикрларини билдириб ўтади Рустам Акрамов

Бугун терма жамоамиз аъзоси Шавкат Саломов ўзининг 28 ёшини қарши олди. Терма жамоамизни барча аъзолари Саломовни табриклаб ўтди. Терма жамоамиз бош мураббийи Миржалол Қосимов Шавкатга омад, соғлик, бахт тилади.